موضوع: عمل القاورمة بالطريقة المصرية الأحد فبراير 22, 2015 5:39 am
عمل القاورمة بالطريقة المصرية
المقادير 1/2 كيلو بصل صغير للقاورمة 1/4 كيلو لحم بتلو او لحم ها يستوى بسرعة متقطع صغير 3 طماطميات مضروبة فى الكبة بس بالراحة عليها شوية ملعقة كبيرة صلصة 2 او 3 ملاعق زيت فص ثوم رشة صغيرة قرفة ناعمة او عود قرفة ملح وفلفل ملعقة سكر
الطريقة 1- قشرت البصل وحطيته فى طبق فيه مياه واسيبه شوية صغيرة وبعدين حطيته فى المصفاة 2- شوحت اللحمة فى حلة فيها زيت لغاية ما بقى لونها بنى ونشلت وحطيتها فى طبق 3- وفى نفس الحلة حطيت البصل وشوحته لغاية ما بقى لونه شفاف وبقى لين شوية (بالنظر كده) 4- وبعدين طلعت البصل من الحلة وحطيته فى طبق 5- شوحت فص ثوم شوية صغيرة وحطيت الطماطم المعصورة وملعقة الصلصة والملح والفلفل والقرفة و ملعقة سكر زقلبتهم وسبتها شوية 6- واول ما بدات تغلى حطيت تانى اللحمة والبصل وسيبتهم على نار هادية حوالى ربع ساعة او اقل لغاية ما اللحمة تكون استوت هى والبصل 7- وقدمتها مع ارز بالشعرية يا عينى يا عينى بس بجد طعمها روعة