أه مستغرب ليه من كلامى ايوه خلاص بطلنا أغانى عدى سنه واتنين ولسه الامل باقى
افتكر كان من سنه الكل سعيد بالامانى وكان بيتمنى يحيى ثوره اه كان فى مطالب لكن
كان الكل صابر قولنا اول سنه صعبه اكيد الجاى هيكون احلى جت التانيه وقولنا خلاص
الفرج دق بابنا والخير جاى يزورنا والفرحه هتعم دارنا والابتسامه مش هتفارق خيالنا
طلع كله خيال كله اوهام ولسه بنعانى من الى كنا بنعانى منه زمان هى هى نفس الشعارات
هى هى نفس الكلمات هى هى نفس الاسطوانات قال ايه البلد تمام وكله سعيد وفرحان عارف
لو تتنازل شويه كنت تشوف يعنى ايه شعب غلبان طبقه منه بتاكل مره والباقى بتتمنى فيه
النسيان قال الاقتصاد تمام رغم ان الكل عارف وصلنا لفين وقد ايه العشاء عند الغير
بقى بعيد ياريت نتعلم من الى فات تكبير الراس مش فهلوه ولا حاجه اوريجينال بالعكس
بسبب كل الى فات رصيدك نقص والكل قال خلاص خلصنا تعبنا زهقنا حرام نشوف اخواتنا
اموات مره فى كمين والتانيه حادثه والتالته قطار دهس وادهس وياريت شوفنا حل لكل الى فات
كفايه تخوين كفايه تكفير والله ما بيحاسب الا ربن العالمين افتكر وفكرهم دى بلدنا وبلدهم
وانسـى اننا نتنازل لان الوقت لايمكن عارف لو اتساوينا هتلاقى الكل راضى والحال بقى عادى
ياريت تفكر تانى أصلنا أسفيــن بطلنــا نبقى مغفليـــن
بقلمى ..